गुरु पूर्णिमाको पावन अवसरमा कक्षा १० का विद्यार्थीहरूले आफ्ना आदरणीय गुरुजनप्रति सम्मान, श्रद्धा तथा कृतज्ञता व्यक्त गर्ने उद्देश्यले विशेष कार्यक्रमको आयोजना गरेका छन्।

कार्यक्रममा विद्यार्थीहरूले स्वागत मन्तव्य,  गीत, नृत्य, कविता वाचन तथा विभिन्न सिर्जनात्मक गतिविधिहरू प्रस्तुत गर्दै गुरुहरूको सम्मान गरेका थिए। साथै, गुरुजनहरूलाई मायाको चिनो प्रदान गरी उनीहरूले शिक्षाप्रति देखाएको समर्पण, मार्गदर्शन र योगदानप्रति आभार व्यक्त गरिएको थियो।

कार्यक्रममा बोल्दै विद्यालयका शिक्षकहरूले गुरु–शिष्य सम्बन्धको महत्वमाथि प्रकाश पार्दै विद्यार्थीहरूको अनुशासन, सम्मान र सकारात्मक सोचको प्रशंसा गरेका थिए। विद्यार्थीहरूले पनि गुरुको ज्ञान, प्रेरणा र मार्गदर्शन नै आफ्नो सफल जीवनको आधार भएको उल्लेख गर्दै सदैव सम्मान र कृतज्ञता व्यक्त गर्ने प्रतिबद्धता जनाएका थिए।

सौहार्दपूर्ण वातावरणमा सम्पन्न उक्त कार्यक्रममा शिक्षक तथा विद्यार्थीहरूको उत्साहजनक सहभागिता रहेको थियो।